१५ चैत्र २०७७ , आइतवार

पछिल्लो २४ घण्टामा देशभर ८९ संक्रमित थपिए, ९५ जना डिस्चार्ज

हेल्थ टिभी अनलाइन \काठमाडौं : नेपालमा पछिल्लो २४ घण्टामा थप ८९ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा देशभर २ हजार १०१ जनाको पीसीआर परीक्षण गरिएकोमा ८९ जनामा कोरोना संक्रमण पुष्टि भएको हो । योसँगै देशभर कुल कोरोना संक्रमितको संख्या २ लाख ७६ हजार ८३९ पुगेको छ । यसैगरी आज ९५ जना संक्रमित डिस्चार्ज भएसँगै कोरोना संक्रमणमुक्त हुनेको संख्या २ लाख ७२ हजार ५३० पुगृको मन्त्रालयले जनाएको छ ।

गत २४ घण्टामा कोरोना संक्रमतिको मृत्यु भने शुन्य रहेको छ । हालसम्म कोरोना संक्रमण भएर ज्यान गुमाउनेको संख्या ३ हजार २७ पुगेको छ । उता कोरोनाको आंशकामा अझै पनि ५७ जना देशका विभिन्न क्वारेन्टाइनमा रहेका छन्।

अहिले देशभर सक्रिय कोरोना संक्रमितको संख्या १२ सय ८२ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।