६ चैत्र २०७७ , शुक्रबार

थप १२५ जनामा कोरोना संक्रमण पुष्टि, १२३ जना डिस्चार्ज

हेल्थ टिभी अनलाइन\ काठमाडौं : नेपालमा आज थप १२५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १२५ जनामा कोरोना संक्रमण पुष्टि भएको हो ।

गत २४ घण्टामा देशभर ३ हजार १६१ जनाको पीसीआर परीक्षण गरिएको थियो । यसैगरी गत २४ घण्टामा थप १ जना कोरोना संक्रमितको मृत्यु भएको पनि मन्त्रालयले जनाएको छ । योसँगै देशभर कुल कोरोना संक्रमितको संख्या २ लाख ७५ हजार ७५० पुगेको छ । यसैगरी २ लाख ७१ हजार ७३३ जना संक्रमणमुक्त भइसकेका छन्।

उता नेपालमा हालसम्म कोरोना संक्रमण भएर ज्यान गुमाउनेको संख्या ३ हजार १६ पुगेको छ । अहिले देशभर १ हजार १ जना सक्रिय कोरोना संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।