२५ फाल्गुन २०७७ , मङ्लबार

अबदेखि औषधि पसलमा बस्नेले नाम अंकित सेतो एप्रोन अनिवार्य लगाउनुपर्ने

हेल्थ टिभी अनलाइन \काठमाडौं : नेपाल फार्मेसी परिषद्ले फर्मासिष्ट र फार्मेसी सहायकलाई औषधि बिक्री वितरण गर्दा नाम अंकित सेतो एप्रोन अनिवार्य लगाउन निर्देशन दिएको छ ।

परिषद्ले मंगलबार एक सार्वजनिक सूचना जारी गर्दै सामुदायिक फार्मेसी वा अस्पताल फार्मेसीमा कार्यरत फर्मासिष्ट र फार्मेसी सहायकले औषधि बिक्री गर्ने क्रममा सेतो एप्रोन अनिवार्य रुपमा लगाउन निर्देशन दिएको हो ।

परिषदले जारी गरेको सूचनामा फर्मासिष्टले सेतो एप्रोनमा हरियो पृष्ठभूमि भएको सेतो रंगको अक्षरमा नाम, पद र परिषद् दर्ता नम्बर अंकित गरेर लगाउनुपर्ने जनाइएको छ ।

यसैगरी फार्मेसी सहायकले सेतो एप्रोनमा निलो पृष्ठभूमि भएको सेतो रंगको अक्षरमा नाम, पद र परिषद् दर्ता नम्बर अंकित एप्रोन प्रयोग गर्नुपर्ने जनाइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।