हेल्थ टिभी अनलाइन \काठमाडौं : कोभ्याक्स अन्तर्गतको ३ लाख ४८ हजार डोज कोरोना खोप नेपाल आइपुगेको छ ।

स्वास्थ्य तथा जनसंख्या मन्त्री ह्दयेश त्रिपाठीलाई उक्त खोप आज त्रिभुवन अन्तराष्ट्रिय विमानस्थलमा हस्तान्तरण गरिएको हो । आज कोभ्याक्स अन्तर्गत आएको खोप पनि अक्सफोर्ड युनिभर्सिटी र एस्ट्राजेनेकाले विकास गरेको र भारतको सिरम इन्सटिच्युटले उत्पादन गरेको कोभिसिल्ड नै हो । जुन नेपालमा माघ १४ देखि लगाउन शुरु गरिएको छ ।

कोभ्याक्स अन्तर्गत २० प्रतिशत जनसंख्यालाई पुग्ने गरी ६० लाख खोप आउने भएको भए पनि अहिले पहिलो चरणमा ३ लाख ४८ हजार मात्र आएको स्वास्थ्य मन्त्रालयले जनाएको छ ।