१९ फाल्गुन २०७७ , बुधबार

फागुन २३ देखि शुरु हुने खोप अभियान २० दिन चल्ने, पहिलो १० दिन ६५ वर्ष माथिका नागरिकलाई

हेल्थ टिभी अनलाइन \काठमाडौं : सरकारले यही फागुन २३ गतेदेखि दोस्रो प्राथमिकतामा परेका ५५ वर्षमाथिका नागरिकलाई कोरोना विरुद्धको खोप अभियान सञ्चालन गर्दैछ । तर खोप अभियान दुई चरणमा गरी २० दिन सञ्चालन हुने र पहिलो चरणमा ६५ वर्ष माथि उमेर समूहका नागरिकलाई खोप लगाइने स्वास्थ्य तथा जनसंख्या मन्त्रालयले जनाएको छ ।

पहिलो १० दिन ६५ वर्ष माथिकालाई लगाएपछि मात्र अर्को १० दिन ५५ वर्षदेखि ६४ वर्ष उमेर समूहलाई खोप दिइने मन्त्रालयले जनाएको हो ।

सरकारले माघ १४ गतेदेखि नेपालमा कोरोना विरुद्धको खोप अभियान शुरु गरेको हो । आज कोरोना विरुद्धको खोप लगाउँदै स्वास्थ्यमन्त्री ह्दयेश त्रिपाठीले सेप्टेम्बर महिनासम्म जोखिम समूहमा रहेका सबै नागरकले खोप पाउने जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।