हेल्थ टिभी अनलाइन \काठमाडौं : नेपालमा आज थप ११२ कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ११२ जना थपिएका हुन् । योसँगै देशभर कुल कोरोना संक्रमितको संख्या २ लाख ७३ हजार ९८४ पुगेको छ ।

यसैगरी हालसम्म कोरोना संक्रमण भएर मृत्यु हुनेको संख्या २ हजार ७७१ पुगेको मन्त्रालयले जनाएको छ । मन्त्रालयले गत २४ घण्टामा २ जनाको मृत्यु भएको जनाएको छ भने २ जनाको पुन अद्यावधिक गर्दा थप गरेर आज ४ जना कोरोनाबाट मृत्यु भएको भन्दै थपिएको छ । कोरोना पुष्टि भएका मध्ये ९७ दशमलब ७ प्रतिशत अर्थात २ लाख ७० हजार २७७ जना निको भइसकेका छन्।

हाल देशभर जम्मा ९३६ जना सक्रिय संक्रमित रहेका छन्।