१३ फाल्गुन २०७७ , बिहिबार

त्रिवि शिक्षण अस्पतालका आवासीय चिकित्सकद्धारा कोरोना जोखिम भत्ता माग

हेल्थ टिभी अनलाइन \काठमाडौं : त्रिवि शिक्षण अस्पताल महाराजगजका आवासीय चिकित्सकहरुले जोखिम भत्ता नपाए आन्दोलन गर्ने चेतावनी दिएका छन्।

उनीहरुले बुधबार एक विज्ञप्ति जारी गर्दै यस्तो जनाएका हुन्। कोरोना महामारी विरुद्ध फ्रन्टलाइनमा रहेर काम गरेका आवासीय चिकित्सकले पनि कोरोना जोखिम भत्ता पाउनेपर्ने भन्दै उनीहरुले यस्तो माग गरेका हुन्।

आज जारी गरिएको विज्ञप्तिमा आवासीय चिकित्सकहरु पनि अन्य सरह जोखिम मोलेर संक्रमितको उपचारमा खटिएकाले नियम अनुसार जोखम भत्ता पाउनुपर्ने उल्लेख छ । महामारी शुरु भएको एक वर्ष बितिसक्दा पनि यस विषयमा सम्बोधन नहुनु दुखद भएको भन्दै उनीहरुले अब पनि यसका बारेमा सम्बोधन नगरे आन्दोलनमा उत्रिने जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।