Health TV Online
Health TV Online
Health TV Online
Health TV Online
Health TV Online

स्वास्थ्यका लागि विपन्न नेपालको वृहत स्वास्थ्य शिविर सम्पन्न

स्वास्थ्यका लागि विपन्न नेपालको वृहत स्वास्थ्य शिविर सम्पन्न

हेल्थ टिभी अनलाइन : विपन्नका लागि स्वास्थ्य नेपालले वृहत स्वास्थ्य शिविरको आयोजना गरेको छ । विपन्न नेपालले आयोजना गरेको स्वास्थ्य शिविरमा ३८५ जनाले स्वास्थ्य सेवा लिएका छन् । ती मध्ये ६२ जना बालबालिका १४६ जना पुरुष र १७७ जना महिला रहेका छन् । निर्मल बाल विकास विद्यालय भिमसेनगोलामा भएको स्वास्थ्य शिविरमा कानको समस्या,पाठेघरको समस्या, मुटुसम्बन्धी समस्या भएका व्यक्तिहरुको उपचार गरिएको थियो ।

स्वास्थ्यका लागि विपन्न नेपालका मेडिकल संयोजक तथा बालरोग विशेषज्ञ डा दिनेश कोइरालाले अपाङ्गता भएका व्यक्तिहरुको पनि उपचार गरिएको जानकारी दिए । उनले ती बालबालिकाहरुमा अधिकांशलाई डाउन सिन्ड्रोम देखिएको भन्दै अपाङ्गता भएका बालबालिकाहरुका लागि सरकारले विशेष ध्यान दिनुपर्ने बताए । डा कोइरालाले बालबालिकाहरुमा डाउन सेन्ड्रोम सहित कतिपयलाई मुटुको समस्या रहेको जानकारी दिए ।

उक्त शिविरमा महिला स्वास्थ्य, बालबालिका,नाक,कान,घाँटी,अर्थोपेडिक,मुटु लगायतका समस्या भएका मानिसहरुले स्वास्थ्य सेवा लिएका थिए । स्वास्थ्यका लागि विपन्न नेपालका अध्यक्ष रत्न थापाले उक्त शिविरबाट २१३ जनाको इसिजी,१०३ जनाको इको गरिएको जानकारी दिए । स्वास्थ्य शिविरमा निशुल्क औषधि समेत वितरण गरिएको थियो । स्वास्थ्य शिविरलाई नेपाल प्रहरी अस्पतालले प्राविधिक सहयोग गरेको थियो ।

शिविरमा छ जना महिलाको पाठेघरको शल्यक्रिया गर्नुपर्ने,१८ जनालाई हाडजोर्नीको समस्या देखिएको थियो । उक्त स्वास्थ्य शिविरमा वरिष्ठ मुटुरोग विशेषज्ञ डा अनिल भट्टराई, प्रसूति रोग विशेषज्ञ डा रोजिना मानन्धर,डा प्रकाश खनाल,डा निरज कुमार सिंह,डा श्याम पुजारीले विशेषज्ञ सेवा दिएका थिए । यसैगरी डा। सरोज कार्की ,विशाल गुरुङ,गणेश गिरी,डा कृपेश लामिछाने,डा दिपशिखा शाह,ममत भट्टराई,डा गृष्मा उप्रेती र अर्जुन बाँनियाले स्वास्थ्य सेवा दिएका थिए भने नर्सिङ तर्फबाट शिविरको नेतृत्व कोपिला श्रेष्ठ पालिखेले गरेकी थिइन ।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार