हेल्थ टिभी अनलाइन\ काठमाडौं : नेपालमा पछिल्लो २४ घण्टामा १२५ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार देशभर २४ घण्टामा १२५ जनामा कोरोना संक्रमण पुष्टि भएको हो । योसँगै कुल कोरोना संक्रमितको संख्या २ लाख ७३ हजार ५५६ पुगेको छ । यसैगरी गत २४ घण्टामा ९० जना संक्रमित संक्रमणमुक्त भएका छन्।

मन्त्रालयका अनुसार पछिल्लो २४ घण्टामा देशभर कोरोनाबाट कसैको पनि मृत्यु भएको छैन् । संक्रमित थपिने क्रम घट्दै गएपछि सक्रिय संक्रमितको संख्या पनि कम हुँदै गएको छ । हाल जम्मा १५ सय २९ सक्रिय संक्रमित आइसोलेसनमा रहेका छन्।