३ फाल्गुन २०७७ , सोमवार

भरतपुर अस्पतालको मेसुमा डा. वासुदेव पाण्डे

हेल्थ टिभी अनलाइन \काठमाडौं : चितवनस्थित भरतपुर अस्पतालको नयाँ मेडिकल सुपरिटेण्डेन्टमा ( मेसु) मा डा वासुदेव पाण्डेलाइ नियुक्त गरिएकाे छ ।

स्वास्थ्य तथा जनसंख्या मन्त्री हृदयेश त्रिपाठीले मन्त्रिस्तरीय निर्णय गर्दै भरतपुर अस्पतालको मेसुमा डा पाण्डेलाई नियुक्त गरेका हुन्। डा पाण्डेले हेल्थ टिभी अनलाइनसँग संक्षिप्त कुरा गर्दै आफूले आइतबार नै पत्र बुझेको र एक दुई दिनमै हाजिर हुन जाने बताएका छन्।

डा पाण्डे केही समय अघि मात्र इपिडिमियोलोजी तथा रोग नियन्त्रण महाशाखाबाट मन्त्रालयमा सरुवा भएका थिए । उनको ठाउँमा कान्ति बाल अस्पतालका निर्देशक डा कृष्ण प्रसाद पौडेललाई नियुक्त गरिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।