हेल्थ टिभी अनलाइन\ काठमाडौं : नेपालमा हाल ६२ जना कोरोना संक्रमितको आईसीयूमा र १४ जनाको भेन्टिलेटरमा उपचार भइरहेको छ । स्वास्थ्य तथा जनसंख्या मन्त्रालयका अनुसार हाल देशभर ६२ जना संक्रमित आईसीयूमा र १४ जना भेन्टिलेटरमा रहेका छन्।

पछिल्लो समय कोरोना संक्रमितको संख्या घट्दै गएपछि सिकिस्त कोरोना संक्रमितको संख्यामा पनि कमी आएको छ ।मन्त्रालयका अनुसार प्रदेश १ र २ मा कुनै पनि संक्रमित आईसीयू र भेन्टिलेटरमा छैनन्।

यसैगरी बागमती प्रदेशमा ३६ जना आईसीयूमा र ११ जना भेन्टिलेटरमा रहेका छन्। गण्डकीमा ४ जना आईसीयूमा रहेको मन्त्रालयले जनाएको छ । लुम्बिनी प्रदेशमा २० जना संक्रमित आईसीयूमा र ३ जना भेन्टिलेटरमा रहेका छन्। उता कर्णालीमा २ जनाको आईसीयूमा उपचार भइरहेको छ भने भेन्टिलेटरमा कोही पनि छैनन्। सुदूरपश्चिममा भने आईसीयू र भेन्टिलेटमा संक्रमित छैनन् ।