हेल्थ टिभी अनलाइन \काठमाडौं : फागुण २ गतेदेखि ८ गतेसम्म जिल्लास्थित सबै सरकारी कार्यालय, सार्वजनिक संस्थान, तथा बैंकका कर्मचारी, पत्रकार स्थानीय तहका जनप्रतिनिधी, सिमा सुरक्षा पोष्टमा खटिएका सुरक्षाकर्मी, र पहिले छुट भएका स्वास्थ्यकर्मी लगायतलाई खोप लगाइने भएको छ ।

स्वास्थ्य तथा जनसंख्या मन्त्रालयले सूचना जारी गर्दै यही फागुण २ गतेदेखि ८ गतेसम्म एक साताका लागि दोस्रो चरणको कोरोना खोप अभियान शुरु हुन लागेको जनाएको छ । मन्त्रालयले यस समूहमा पर्ने सबै जनालाई तोकिएको स्वास्थ्य संस्था वा खोप केन्द्रमा गएर कोरोना विरुद्धको खोप लगाउन आग्रह गरेको छ । खोप लगाउन जाँदा आफनो कार्यालयको परिचयपत्र अनिवार्य लिएर जान समेत मन्त्रालयले आग्रह गरेको छ ।

भारत सरकारले अनुदानमा दिएको १० लाख डोज कोरोना खोप पहिलो चरणमा स्वास्थ्यकर्मी लगायतका फ्रन्टलाइनरलाई दिइएको थियो भने अहिले कुटनितीक नियोगका कर्मचारी एवं पत्रकारलाई खोप दिइँदैछ । सरकारले यो अभियानमा ४ लाख ३० हजार जनालाई खोप दिने लक्ष्य राखेको छ ।