२४ माघ २०७७ , शनिबार

२४ घण्टामा २७९४ जनाको पीसीआर परीक्षण गर्दा ९९ जनामा कोरोना पुष्टि

हेल्थ टिभी अनलाइन\ काठमाडौं : नेपालमा कोरोना संक्रमणको दर दिन प्रतिदिन घट्दै गएको छ ।

पछिल्लो २४ घण्टामा २७ सय ९४ पीसीआर परीक्षण गर्दा जम्मा ९९ जनामा कोरोना पोजेटिभ देखिएको स्वास्थ्य मन्त्रालयले जनाएको छ । हालसम्म देशभर २ लाख ७१ हजार ८०६ जनामा कोरोना संक्रमण पुष्टि भइसकेको छ । ती मध्ये ९८ दशमलब ५ प्रतिशत अर्थात २ लाख ६७ हजार ८१२ जना संक्रमणमुक्त भइसकेका छन्।

पछिल्लो २४ घण्टामा कोरोना संक्रमितको मृत्यु नभएको पनि मन्त्रालयले जनाएको छ । हिजोसम्मको तथ्यांक अनुसार देशभर कोरोना संक्रमणबाट मृत्यु हुनेको संख्या २ हजार ३५ रहेको छ ।

हाल देशभर जम्मा १९ सय ५९ जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।