हेल्थ टिभी अनलाइन \काठमाडौं : नेपालमा पहिलो चरणको कोरोना विरुद्धको खोप अभियानमा १ लाख ५८ हजारभन्दा बढीले खोप लगाएका छन्। स्वास्थ्य तथा जनसंख्या मन्त्रालयका अनुसार बिहिबार साँझ ४ बजेसम्म देशभरका २०१ खोप केन्द्रबाट १ लाख ५८ हजार ४८७ जनाले खाप लगाएका हुन्।

जसमध्ये प्रदेश १ मा २१ हजार ७५४, प्रदेश २ मा २ज्ञ हजार १८५, बाग्मतीमा ५५ हजार ५०४ जनाले खोप लगाइसकेका छन्। यसैगरी गण्डकी प्रदेशमा १७ हजार २६७, लुम्बिनीमा २३ हजार ७९८ जना, कर्णालीमा ८ हजार ७२ र सुदूरपश्चिममा १० हजार ९०७ जनाले खोप लगाएका हुन्।

सरकारले माघ १४ गतेदेखि कोरोना विरुद्धको खोप दिन शुरु गरेको हो । पहिलो चरणमा फ्रन्टलाइनमा खटिएका स्वास्थ्यकर्मी लगायतलाई खोप दिने लक्ष्य अनुरुप अभियान चलिरहेको छ । भारतले नेपाललाई १० लाख डोज कोरोना खोप अनुदानमा दिएको हो ।