२२ माघ २०७७ , बिहिबार

आज विश्व क्यान्सर दिवस मनाइँदै

हेल्थ टिभी अनलाइन \काठमाडौं : आज फेब्रुअरी ४ अर्थात विश्व क्यान्सर दिवस । नेपालमा पनि विभिन्न जनचेतनामूलक कार्यक्रम गरी यो दिवस मनाइँदैछ । यस वर्षको क्यान्सर दिवसको नारा ‘आइ एम एण्ड आइ विल’ भन्ने रहेको छ ।

विश्वमा क्यान्सर रोगबारे जनचेतना फैलाउनका लागि प्रत्येक वर्ष फेब्रुअरी ४ मा यो दिवस मनाउने गरिन्छ । नेपालमा एकिन तथ्यांक नभए पनि वर्षेनी हजारौंको संख्यामा नयाँ बिरामी थपिने गरेको चिकित्सकहरु बताउँछन्। क्यान्सर शुरुकै अवस्थामा उपचार गरे निको हुने भए पनि धेरै जना एडभान्स स्टेजमा आउँदा उपचारमा समस्या हुने गरेको चिकित्सकहरुको भनाई छ ।

नेपालमा पुरुषहरुमा फोक्सोको क्यान्सर र महिलाहरुमा पाठेघरको मुखको क्यान्सर पहिलो नम्बरमा देखिन्छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।