२० माघ २०७७ , मङ्लबार

भारतमा कोरोना संक्रमितको संख्या घट्दै

हेल्थ टिभी अनलाइन : भारतमा कोरोना संक्रमितको संख्या घट्दै गएको छ । पछिल्लो २४ घण्टामा जम्मा ९४ जनाको कोरोना संक्रमणबाट मृत्यु भएको छ । यसैगरी ८ हजार ६३५ जना नयाँ संक्रमित थपिएका छन्।

भारतीय स्वास्थ्य मन्त्रालयका अनुसार तीन दिनदेखि लगातार त्यहाँ १५ हजार भन्दा कम संक्रमित देखिएका छन् भने मृत्यु दर पनि कम हुँदै गएको छ ।

कोरोना विरुद्धको खोप समेत लगाउन शुरु गरेको भारतमा हालसम्म ४० लाख भन्दा बढीलाई कोरोना विरुद्धको खोप दिइसकेको जनाइएको छ । भारतमा हालसम्म १ करोड ७ लाख ६६ हजार २४५ जनामा कोरोना संक्रमण पुष्टि भइसकेको छ । उता कोरोना संक्रमणबाट ज्यान गुमाउनेको संख्या नै १ लाख ६३ हजार ४८६ पुगेको बताइएको छ ।

भारतमा कोरोना संक्रमणबाट हुने मृत्युदर एक दशमलब ४४ प्रतिशत रहेको छ ।