हेल्थ टिभी अनलाइन \काठमाडौं : कोरोना विरुद्धको खोप अभियान शुरु भएको आज तेस्रो दिन ।

आज देशभर ४६ हजार १९७ जनाले कोरोना भाइरस विरुद्धको खोप लगाएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुुसार आज ४ बजेसम्म ७७ वटा जिल्लामा १६९ खोप केन्द्रबाट ४६ हजार ९७ जनाले खोप लगाएका हुन्।

जसमध्ये प्रदेश १ मा ७ हजार ३६९ जना, प्रदेश २ मा ४ हजार ६५०, बाग्मतीमा १५ हजार ६४१ जनाले कोरोना खोप लिएका छन्। यसैगरी गण्डकी प्रदेशमा ७ हजार १५३ जना, लुम्बिनीमा ४ हजार ६३५, कर्णालीमा २ हजार ९६६ र सुदूरपश्चिममा ३ हजार ७८३ जनाले कोरोना विरुद्धको खोप लगाएका छन्। मन्त्रालयका अनुसार हालसम्म खोप लिएकाहरुमा जटिल प्रकारको स्वास्थ्य समस्या देखिएको छैन्।

सामान्य समस्या देखिएकाहरुमा पनि धेरैको औषधि सेवन विना नै समस्या समाधान भएको पनि मन्त्रालयले जनाएको छ।