आजदेखि लगाइँदै कोरोना खोप : कसले लगाउन हुँदैन?
हेल्थ टिभी अनलाइन \काठमाडौं : कोरोना विरुद्धको खोप अभियान सरकारले आज १० बजेबाट शुरु गर्दैछ । खोप अभियानको शुभारम्भ प्रधानमन्त्री केपी शर्मा ओलीले बालुवाटारबाट गर्ने छन्।
उपत्यकाका ११ वटा अस्पतालबाट र सातै प्रदेशका अस्पतालबाट खोप अभियान एकैपटक शुरु हुने पनि स्वास्थ्य मन्त्रालयले जनाएको छ ।
कोरोना विरुद्धको खोप कसले लिन मिल्छ र कसले मिल्दैन भन्ने विषयमा स्वास्थ्य मन्त्रालयले यसअघि नै मापदण्ड बनाइसकेको मन्त्रालयका प्रवक्ता डा जागेश्वर गौतमले बताए । उनले गर्भवती, स्तनपान गराइरहेका आमा, कुनै पनि एलर्जी हुने समूह र एकपटक खोप दिंदा यसले रियाक्सन गरेमा यस्ता व्यक्हिरुलाई हाललाई यो खोप नदिइने बताए । यसैगरी १८ वर्ष मूनिकालाई पनि यो खोप दिइने छैन्। पहिलो खोप दिएको एक महिनापछि अर्को डोज दिइनेछ ।
तुरुन्त आमा बन्नका लागि योजना बनाइरहेका महिलालाई पनि यो खोप लिन नमिल्ने जनाइएको छ । खोप लगाइसकेपछि एलर्जी हुने, खोप लगाएको ठाउँमा चिलाउने, ज्वरो आउने, वान्ता हुने बेहोस हुने लगायतका लक्षण देखिन सक्ने भन्दै स्वास्थ्यकर्मीलाई तुरुन्त सम्पर्क गर्न उनले आग्रह समेत गरे । स्वास्थ्य संस्थामा नै खोप दिइने हुँदा केही समस्या परेमा तुरुन्त व्यवस्थानि गर्न सकिने डा गौतमले जानकारी दिए ।
खराब कोलेस्टेरोल घटाउन के खाने ?
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त