हेल्थ टिभी अनलाइन\ काठमाडौं : त्रिवि  शिक्षण अस्पताल महाराजगञ्जको कोभिड आईसीयूमा कार्यरत डा सविन भण्डारीमाथि गरिएको आक्रमणप्रति नेप्लीज सोसाइटी अफ क्रिटिकल केयर मेडिसिनद्धारा गम्भीर ध्यानाकर्षण भएको जनाएको छ।

कोरोना महामारीका बेला ज्यान जोखिममा राखेर ड्युटीमा खटिएका चिकित्सक भण्डारीमाथि मंगलबार चिकित्सकको लापरबाहीले मृत्यु भएको भन्दै संक्रमितका आफन्तले आक्रमण गरेका थिए।

सोसाइटीले विज्ञप्ति जारी गर्दै भनेको छ, ‘कोभिड महामारीले प्रभावित बिरामीको उपचारमा बिरामीको ज्यान बचाउन अथक प्रयास गरिरहेका चिकित्सकमाथि भएको यस किसिमको घृणित, अक्षम्य एवं अमानवीय आक्रमणको घोर भत्र्सना र निन्दा गर्दछौँ ।’

सोसाइटीले घटनामा संलग्न दोषीलाई कडा कानुनी कारवाही गर्न समेत माग गरेको छ ।