हेल्थ टिभी अनलाइन\ काठमाडौं : नेपालमा थप ४०३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५ हजार ३२ जनाको पीसीआर परीक्षण गर्दा ४०३ जनामा कोरोना संक्रमण देखिएको हो ।

योसँगै देशभर कोरोना संक्रमितको संख्या २ लाख ६६ हजार ५४६ पुगेको छ । यीमध्ये २ लाख ६० हजार १७७ जना संक्रमणमुक्त भएका छन्।

पछिल्लो २४ घण्टामा थप ६ जना कोरोना संक्रमितको मृत्यु भएको मन्त्रालयले जनाएको छ । योसहित कोरोना संक्रमणबाट ज्यान गुमाउनेको संख्या १९ सय ४३ पुगेको छ ।

हाल देशभर ४ हजार ४२६ जना मात्र सक्रिय संक्रमित रहेका छन्।