हेल्थ टिभी अनलाइन \काठमाडौं : आज माघ १ अर्थात राष्ट्रिय योग दिवस । नेपालमा विभिन्न कार्यक्रम गरी योग दिवस मनाइँदैछ ।

स्वास्थ्य तथा जनसंख्या मन्त्रालय अन्तर्गतको आयुर्वेद तथा वैकल्पिक चिकित्सा विभागले एक साताभरी विभिन्न जनचेतनामूलक कार्यक्रम गरी दिवस मनाउँदैछ । यस वर्षको नारा ‘गरौँ योग डटेर, कोभिड जान्छ हटेर’ रहेको छ ।

यो दिवस वि सं २०७२ सालदेखि मनाउन थालिएको हो । स्वस्थ जीवनयापनका लागि योग, प्राणायामलाई आफनो दैनिकी बनाउन जरुरी रहेको भन्दै विभागले विगत ६ वर्षदेखि योगको महत्व बुझाउनकै लागि यो दिवस मनाउँदै आएको छ । विभागका महानिर्देशक डा वासुदेव उापध्यायले नसर्ने रोगबाट बच्नका लागि एउटै मात्र उपाय भनेको जीवनलाई स्वस्थकर बनाउने तरिका र त्यसमा पनि योग एउटा अभिन्न अंग भएको जिकीर गरेका छन्।

आजै शिक्षा, विज्ञान तथा प्रविधी मन्त्रालयले दिवसको अवसर पारेर विशेष कार्यक्रम समेत आयोजना गरेको छ ।