हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले कोरोना परीक्षणका लागि नमूना संकलन गर्दा अनिवार्य सो व्यक्तिको हाल बसोबास गरिरहेको ठेगाना उल्लेख गर्न सबै प्रयोगशालालाई निर्देशन दिएको छ ।

यसो नगरेको पाइएमा र सो विषयमा कुनै समस्या परेर उजुरी परेमा कारवाही समेत गरिने मन्त्रालयले जारी गरेको सूचनामा उल्लेख छ ।

कोभिड- १९ परीक्षणका लागि व्यक्तिहरुको नमूना संकलन गर्ने क्रममा विभिन्न निकायहरुले आ -आफनो तरिकाले व्यक्तिहरुको ठेगाना लेख्ने कारणले सम्बन्धित व्यक्तिको पहिचान तथा खोजी अनुसन्धान गर्न कठिनाई भएको भन्दै मन्त्रालयले अनिवार्य रुपमा अहिले बसोबास गरिरहेको स्थान र सम्पर्क नम्बर उल्लेख गर्न आग्रह गरेको हो ।

कतिपय प्रयोगशालामा स्थायी ठेगाना उल्लेख गरेका कारण व्यक्ति बसोबास गर्ने एकातिर र ठेगाना एकातिर भएका कारण कन्ट्याक्ट ट्रेसिङमा समस्या पर्दै आएको देखिन्छ । त्यसैले पनि मन्त्रालयले सबै प्रयोगशालामा एक रुपता ल्याइ नमुना संकलन गर्ने क्रममा नै उनीहरुको तुरुन्त कन्ट्याक्ट गर्न सकिने ठेगाना उल्लेख गर्न सूचना जारी गरेको हो ।