हेल्थ टिभी अनलाइन \काठमाडौं : नेपालमा थप ६५९ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५ हजार ५३८ पीसीआर परीक्षण गर्दा ६५९ जनामा कोरोना संक्रमण पुष्टि भएको हो । योसँगै नेपालमा कुल कोरोना संक्रमितको संख्या २ लाख ५८ हजार ८४० पुगेको छ । यी मध्ये हालसम्म २ लाख ५० हजार ५८१ जना संक्रमित निको भइसकेका छन्।

यसैगरी पछिल्लो २४ घण्टामा थप ७ जना संक्रमितको मृत्यु भएको मन्त्रालयले जनाएको छ । योसहित नेपालमा कोरोना संक्रमणबाट मृत्यु हुनेको संख्या १८ सय ३२ पुगेको छ ।

हाल देशभर ६हजार ४४५ जना मात्र सक्रिय संक्रमित रहेको मन्त्रालयले जारी गरेको विज्ञप्तिमा उल्लेख छ । काठमाडौं उपत्यकामा आज थप २७८ जना थपिएका छन्।