११ पुस २०७७ , शनिबार

काठमाडौं उपत्यकामा २६७ सहित देशभर थप ५ सय संक्रमित थपिए

हेल्थ टिभी अनलाइन \काठमाडौ : नेपालमा शनिबार थप ५ सय नयाँ संक्रमित थपिएका छन्। यी मध्ये २६७ जना काठमाडौै उपत्यकाको रहेको स्वास्थ्य तथा जनसंख्या मन्त्रालयले जनाएको छ ।

आज थपिएका संक्रमितसहित नेपालमा कुल कोरोना संक्रमितको संख्या २ लाख ५७ हजार ७ सय पुगेको छ । उता हालसम्म २ लाख ४९ हजार १३२ जना संक्रमित निको भइसकेका छन्।
पछिल्लो २४ घण्टामा देशभर जम्मा ३ जना कोरोना संक्रमितको मृत्यु भएको मन्त्रालयले जारी गरेको विज्ञप्तिमा उल्लेख छ । योसहित देशभर कोरोना संक्रमण भएर मृत्यु हुनेको संख्या १८ सय १९ पुगेको छ ।

आज देशभरका प्रयोगशालाबाट ५ हजार ४३४ जनाको पीसीआर परीक्षण गरिएको थियो । अहिले देशभर ६ हजार ७४९ जना सक्रिय संक्रमित आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।