१० पुस २०७७ , शुक्रबार

देशभरका सक्रिय संक्रमितमध्ये आधा भन्दा बढी काठमाडौं उपत्यकामा

काठमाडौं उपत्यकामा ३ हजार ८७१ सक्रिय संक्रमित

हेल्थ टिभी अनलाइन \काठमाडौं : देशभरका सक्रिय कोरोना संक्रमितमध्ये आधा भन्दा बढी काठमाडौं उपत्यकामा रहेका छन्।

हाल देशभर ७ हजार ३८४ जना सक्रिय संक्रमित रहेका छन्। ती मध्ये आधा भन्दा बढी अर्थात ३ हजार ८७१ जना संक्रमित काठमाडौं उपत्यकामा रहेको स्वास्थ्य तथा जनसंख्या मन्त्रालयले जनाएको छ ।

यसैगरी कोरोनाबाट हुने मृत्यु पनि उपत्यकामा बढी रहेको छ । हाल काठमाडौंमा ३ हजार १५३ जना सक्रिय संक्रमित आइसोलेसनमा रहेका छन्। यसैगरी भक्तपुरमा २२७ जना र ललितपुरमा ४९१ जना रहेको मन्त्रालयले जनाएको छ ।

बिहिबारसम्मको तथ्यांक अनुसार नेपालमा कुल कोरोना संक्रमितको संख्या २ लाख ५६ हजार ५९२ पुगेको छ । यी मध्ये २ लाख ४७ हजार ४सय जना निको भइसकेका छन्। उता हालसम्म १८ सय ८ जनाको कोरोना संक्रमणबाट मृत्यु भइसकेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।