हेल्थ टिभी अनलाइन \काठमाडौं : नेपालमा कोरोना भाइरसको संक्रमणबाट मृत्यु हुनेको संख्या १८ सय ८ पुगेको छ ।

आज ५ जना संक्रमितको मृत्यु भएसँगै नेपालमा कोरोनाबाट ज्यान गुमाउनेको संख्या १८ सय ८ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार नेपालमा कोरोना संक्रमणबाट मृत्यु हुनेको दर शुन्य दशमलब ७० प्रतिशत रहेको छ भने निको हुने दर ९६ दशमलब ४ प्रतिशत रहेको छ ।

आज देशभर ५ हजार ५१० पीसीआर परीक्षण गर्दा जम्मा ६१३ जनामा कोरोना संक्रमण पुष्टि भएको छ । योसँगै नेपालमा कुल कोरोना संक्रमितको संख्या २ लाख ५६ हजार ५९२ पुगेको मन्त्रालयले जनाएको छ ।

यीमध्ये हाल देशभर ७ हजार ३८४ जना मात्र सक्रिय संक्रमित आइसोलेसनमा रहेका छन्।