६ पुस २०७७ , सोमवार

देशभर ३१६ सिकिस्त कोरोना संक्रमित, ४ हजार ८३७ जना होम आइसोलेसनमा

हेल्थ टिभी अनलाइन\ काठमाडौं : नेपालमा हाल ३१६ जना सिकिस्त कोरोना संक्रमितको आईसीयू र भेन्टिलेटरमा उपचार भइरहेको छ ।

स्वास्थ्य तथा जनसंख्या मन्त्रालयले देशभर २६५ जना संक्रमितको आईसीयूमा र ५१ जना संक्रमितको भेन्टिलेटरमा उपचार भइहरेको जनाएको छ । आइतबारसम्मको तथ्यांक अनुसार नेपालमा सक्रिय संक्रमितको संख्या ८ हजार ३२० रहेको छ ।

यी मध्ये ४ हजार ८३७ जना कोरोना संक्रमित होम आइसोलेसनमा रहेको मन्त्रालयले जनाएको छ । देशभर हालसम्म २ लाख ५३ हजार ७७२ जनामा कोरोना संक्रमण पुष्टि भएको छ । यीमध्ये ९६ प्रतिशत अर्थात २ लाख ४३ हजार ६६४ जना संक्रमणमुक्त भइसकेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।