नेपालमा कोरोना संक्रमणबाट हुने मृत्युदर 0.७० प्रतिशत
हेल्थ टिभी अनलाइन \काठमाडौं : नेपालमा कोरोना भाइरसको संक्रमणबाट हुने मृत्युदर शुन्य दशमलब ७० प्रतिशत रहेको छ ।
स्वास्थ्य तथा जनसंख्या मन्त्रालयले नेपालमा कोरोना संक्रमण भएर मृत्यु हुने दर शुन्य दशमलब ७० प्रतिशत रहेको जनाएको छ । अन्य देशको तुलनामा नेपालमा मृत्यदर कम भए पनि पछिल्लो समय भने यो दर केही बढेको मन्त्रालयले जनाएको छ । विश्वको तथ्यांक हेर्ने हो भने औसतमा कोरोना संक्रमणबाट हुने मृत्युदर ३ प्रतिशत रहेको पाइन्छ ।
हाल देशभर २ लाख ५३ हजार १८४ जनामा कोरोना भाइरसको संक्रमण पुष्टि भएको छ । ती मध्ये १७ सय ७७ जनाको मृत्यु भएको छ । यो भनेको कुल संक्रमितको शुन्य दशमलब ७० प्रतिशत हो । उता संक्रमितमध्ये ९५ दशमलब ८ प्रतिशत अर्थात २ लाख ४२ हजार ५६७ जना संक्रमित निको भएको मन्त्रालयले जनाएको छ ।
हाल देशभर ८ हजार ८४० जना सक्रिय संक्रमित रहेका छन्। उता ४२१ जना कोरोनाको आशंकामा क्वारेन्टाइनमा रहेका छन्। नेपालमा कुल संक्रमितमध्ये ३४ दशमलब ५ प्रतिशत महिला र ६६ दशमलश ५ प्रतिशत पुरुष रहेका छन्।
घ्युकुमारीबाट यसरी गर्नुस् स्वास्थ्य रक्षा
आज विश्व रेडक्रस दिवस मनाइँदै
गण्डकी प्रदेशको स्वास्थ्य मन्त्रीमा सीता सुन्दास नियुक्त
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ