कान्तिपुर डेन्टल कलेजले मनायो १३ औँ वार्षिकोत्सव
हेल्थ टिभी अनलाइन\ काठमाडौं : काठमाडौंको बसुन्धरास्थित कान्तिपुर डेन्टल कलेज तथा टिचिङ हस्पिटल एण्ड रिसर्च सेन्टरले १३ औँ वार्षिकोत्सव मनाएको छ । वार्षिकोत्सवको अवसरमा अस्पतालले बुधबार एक कार्यक्रम गरेको थियो ।
कार्यक्रममा अस्पतालका अध्यक्ष डा बुद्धिमान श्रेष्ठले अस्पतालको स्थापना कालदेखि नै मुख स्वास्थ्यको उपचार र दक्ष जनशक्ति उत्पादन गर्दै आएको बताउँदै यसको सेवा अझै बिस्तार गर्ने जनाए । उनले विश्व बजारमा आएका नविनतम आधुनिक प्रविधि भित्राएर अझ सेवाहरु बिस्तार गर्दै लाने प्रतिवद्धता व्यक्त गरेका थिए । अस्पतालले मुख तथा दन्त उपचार अन्तर्गतका विशिष्टिकृत सेवाहरु प्रदान गर्दै आएको छ ।
कार्यक्रममा उनले नेपालमा मुख स्वास्थ्यमा खासै ध्यान नदिएको भन्दै यसलाई प्राथमिकतामा राख्दै अस्पतालले ५५ जिल्लामा पुगी जनचेतनामूलक कार्यक्रम एवं नि: शुल्क शिविरहरु गर्दै आएको बताए । अस्पतालले मुख स्वास्थ्यको उपचार मात्रै हैन यससँग सम्बन्धी दक्ष प्राविधिक समेत उत्पादन गर्दै आएको छ ।
यसका साथै वि स २०७० सालदेखि अस्पतालले १ सय बेडको जनरल अस्पताल पनि सञ्चालन गरेको छ । कान्तिपुर डेन्टल कलेज मुख तथा दन्त चिकित्सा क्षेत्रमा नाम चलेको अस्पतालको रुपमा चिनिन्छ ।
खराब कोलेस्टेरोल घटाउन के खाने ?
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त