हेल्थ टिभी अनलाइन \काठमाडौं : कोरोना महामारीका बेला सरकारले स्वास्थ्य सेवा विभाग अन्तर्गतका महाशाखाका प्रमुखहरुको जिम्मेवारी हेरफेर गरेको छ ।

स्वास्थ्य तथा जनसंख्या मन्त्री भानुभक्त ढकालले मन्त्रीस्तरीय निर्णय गर्दै तीन जना महाशाखा प्रमुखहरुको जिम्मेवारी हेरफेर गरेका हुन्।

यसरी जिम्मेवारी हेरफेर हुनेहरुमा परिवार कल्याण महाशाखाका प्रमुख डा भीमसिह टिंकरी, व्यवस्थापन महाशाखाका डा रमेश खरेल र उपचारात्मक महाशाखाका प्रमुख तारा पोखरेल रहेका छन्।टिंकरीलाई व्यवस्थापन महाशाखा, डा पोखरेललाई परिवार कल्याण र खरेललाई उपचारात्मक महाशाखा प्रमुखको जिम्मेवारी दिइएको मन्त्रालयले जनाएको छ।

यसैगरी आपूर्ति व्यवस्थापन शाखाको जिम्मेवारीमा रहेका चुडामणी भण्डारीलाई राष्ट्रिय तालिम केन्द्रमा पठाइएको छ भने तालिम केन्द्रका उपेन्द्र ढुंगानालाई स्वास्थ्य सेवा विभागमा पठाइएको छ ।