हेल्थ टिभी अनलाइन \काठमाडौं : नेपालमा हाल देशभर ११ हजार ६७३ जना मात्र सक्रिय संक्रमित रहेका छन्।

स्वास्थ्य तथा जनसंख्या मन्त्रालयका अनुसार हालसम्म २ लाख ४७ हजार ५९३ जनामा कोरोना संक्रमण पुष्टि भएको छ । यी मध्ये ९४ दशमलब ६ प्रतिशत अर्थात २ लाख ३४ हजार २३१ जना निको भइसेका छन् भने ११ हजार ६७३ जना मात्र सक्रिय संक्रमित आइसोलेसनमा रहेका छन्।

यी मध्ये देशभर १६ सय ८९ जना कोरोना संक्रमितको मृत्यु भएको छ । नेपालमा कोरोना संक्रमणबाट हुने मृत्युदर अत्यन्त न्यून रहेको छ । हालसम्म कोरोना संक्रमणबाट हुने मृत्युदर शुन्य दशमलब ६८ प्रतिशत रहेको मन्त्रालयले जनाएको छ ।

मन्त्रालयका अनुसार नेपालमा कुल संक्रमितमध्ये ६६ दशमलब ५ प्रतिशत पुरुष रहेका छन् भने ३४ दशमलब ५ प्रतिशत महिला रहेका छन्। देशभर रहेका प्रयोगशालमा हालसम्म १८ लाख २५ हजार बढी पीसीआर परीक्षण गरिएको जनाइएको छ ।