हेल्थ टिभी अनलाइन \काठमाडौं : नेपालमा कोरोना संक्रमितको संख्या घट्दो क्रममा देखिएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर जम्मा ८९९ जनामा कोरोना संक्रमण पुष्टि भएको हो । त्यसो त पछिल्लो समय कोरोना परीक्षण पनि कम हुँदै आएको छ ।

नेपालमा कुल कोरोना संक्रमितको संख्या २ लाख ४७ हजार ५९३ पुगेको छ ।

कुल संक्रमितमध्ये हालसम्म २ लाख ३४ हजार २३१ जना निको भइसकेको मन्त्रालयले जनाएको छ । यसैगरी पछिल्लो २४ घण्टामा देशभर थप १५ जना कोरोना संक्रमितको मृत्यु भएको छ । आज मृत्यु भएकासँगै देशभर कोरोना भाइरसको संक्रमण भएर मृत्यु हुनेको संख्या १६ सय ८९ पुगेको छ ।

उता अहिले देशभर सक्रिय कोरोना संक्रमितको संख्या ११ हजार ६७३ मात्र रहेको छ । अहिले पनि कोरोनाको आशंकामा ५१९जना क्वारेन्टाइनमा रहेको मन्त्रालयले जनाएको छ ।