हेल्थ टिभी अनलाइन \काठमाडौं : नेपालमा थप १०४४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभर आज थप १०४४ जनामा कोरोना संक्रमण पुष्टि भएको हो । योसँगै नेपालमा कुल कोरोना संक्रमितको संख्या २ लाख ४६ हजार ६९४ पुगेको छ । संक्रमितमध्ये हालसम्म २ लाख ३२ हजार ८७२ जना निको भएर घर फर्किसकेका छन्।

यसैगरी पछिल्लो २४ घण्टामा देशभर थप ११ जना कोरोना संक्रमितको मृत्यु भएको छ । योसँगै देशभर कोरोना संक्रमणबाट मृत्यु हुनेको संख्या १६ सय ७४ पुगेको छ । हाल देशभर १२ हजार १४८ सक्रिय कोरोना संक्रमित रहेका छन्।