हेल्थ टिभी अनलाइन \काठमाडौं : नेपालमा कुल कोरोना संक्रमितमध्ये ६६ दशमलब ५ प्रतिशत पुरुष रहेका छन्।

स्वास्थ्य तथा जनसंख्या मन्त्रालयका अनुसार हाल देशभर २ लाख ४३ हजार ३७७ जनामा कोरोना भाइरस संक्रमण पुष्टि भएको छ । ती मध्ये ६६ दशमलब ५ प्रतिशत अर्थात १ लाख ५९ हजार २२२ जना पुरुष संक्रमित रहेका छन् भने ३४ दशमलब ५ प्रतिशत अर्थात ८४ हजार १५५ जना महिला संक्रमित रहेका छन्।

यसैगरी नेपालमा कोराना संक्रमितको मृत्यु दर शुन्य दशमलब ६७ प्रतिशत रहेको र निको हुने दर ९४ दशमलब १ प्रतिशत रहेको मन्त्रालयले जनाएको छ । हाल देशभर १२ हजार ६८६ जना सक्रिय संक्रमित रहेका छन्।

नेपालमा हालसम्म कोरोनाको आशंकामा १७ लाख ९९ हजार ६८६ जनाको पीसीआर परीक्षण गरिएको मन्त्रालयले जनाएको छ ।