हेल्थ टिभी अनलाइन \काठमाडौं : नेपालमा पछिल्लो २४ घण्टामा थप २३ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार आज देशभर थप २३ जना कोरोना संक्रमितको मृत्यु भएको हो । योसँगै नेपालमा कोरोना संक्रमणबाट मृत्यु हुनेको संख्या १६ सय ३७ पुगेको छ ।

मन्त्रालयका अनुसार नेपालमा कोरोना संक्रमणबाट मृत्यु हुने दर शुन्य दशमलब ६७ प्रतिशत रहेको छ भने निको हुने दर ९४ दशमलब १ प्रतिशत रहेको छ । उता आज देशभर १३८२ जना नयाँ संक्रमित थपिएका छन्। योसँगै नेपालमा कुल कोरोना संक्रमितको संख्या २ लाख ४३ हजार ३७७ पुगेको छ । कुल संक्रमित मध्ये २ लाख २९ हजार ५४ जना संक्रमित कोरोना जितेर निको भइसकेका छन्।

हाल देशभर १२ हजार ६८६ जना सक्रिय संक्रमित रहेका छन् । उता क्वारेन्टाइनमा कोरोनाको आशंकामा अहिले पनि ५२३ जना रहेको मन्त्रालयले जनाएको छ ।