२२ मंसिर २०७७ , सोमवार

भक्तपुर क्यान्सर अस्पतालको निर्देशकमा प्राडा विष्णुदत्त पौडेल नियुक्त

हेल्थ टिभी अनलाइन \काठमाडौं : सरकारले भक्तपुर क्यान्सर अस्पतालको कार्यकारी निर्देशकमा प्राडा विष्णुदत्त पौडेललाई नियुक्त गरेको छ ।

मंसीर १८ गते बसेको मन्त्रीपरिषदको बैठकले डा पौडेललाई भक्तपुर क्यान्सर अस्पतालको निर्देशकमा नियुक्त गरेको हो । उनको कार्यकाल ४ वर्षको हुनेछ। यसअघि गैर सरकारी संस्थाले चलाउँदै आएको उक्त क्यान्सर अस्पतालको व्यवस्थापनमा समस्या देखिएपछि केही समय अघि मात्रै सरकारले उक्त अस्पताल आफ्नो स्वामित्वमा लिएको थियो ।

आज मात्र नियुक्ती पत्र बुझेका डा पौडेलले हेल्थ टिभी अनलाइनसँग संक्षिप्त कुरा गर्दै यस अस्पताललाई क्यान्सरको उपचारका साथै एकेडेमिक सेन्टरका रुपमा बिस्तार गर्ने योजना रहेको बताए । वरिष्ठ क्यान्सर रोग विशेषज्ञ डा पौडेल यसअघि वीर अस्पतालमा कार्यरत थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।