बर्दियाका कोरोना संक्रमितको भेरी अस्पतालमा मृत्यु
हेल्थ टिभी अनलाइन \बाँके : बर्दियाका कोरोना संक्रमित पुरुषको बाँकेको भेरी अस्पतालमा मृत्यु भएको छ । बर्दियाको स्वास्थ्य कार्यालयका अनुसार बर्दिया गुलरिया नगरपालिका वडा नं ७ का ७२ वर्षीय पुरुषको कोरोना संक्रमणबाट आज मृत्यु भएको हो ।
उनको आज शनिबार बिहान भेरी अस्पतालमा उपचारकै क्रममा मृत्यु भएको हो । मंसीर १० गते उनमा कोरोना भाइरस संक्रमण पुष्टि भएको थियो। उनको स्वास्थ्यमा समस्या भएपछि मंसीर ११ गतेदेखि आइसीयूमा राखेर उपचार गरिएको अस्पतालले जनाएको छ ।
उनको उपचारमा रेम्डिसिभिर र प्लाज्मा थेरापी समेत चलाइएको भए पनि सफल हुन नसकेको अस्पतालले जनाएको छ । योसँगै बर्दियामा कोरोना संक्रमणबाट मृत्यु हुनेको संख्या १४ पुगेको छ ।
तपाईँलाई पाइल्स छ ? यस्तो गर्नुहोस् खानपान
नेपालमा क्यान्सर सर्भाइभरलाई केन्द्रमा राखेर विशेष कार्यक्रम
नेपाल क्यान्सर सम्मेलन सम्पन्न
औषधिलाई नै नटेर्ने संक्रमण : विश्वसामु बढ्दो एएमआर चुनौती
मेवाका फाइदा