भरतपुर अस्पतालमा ४९ वर्षीय कोरोना संक्रमित पुरुषको मृत्यु
हेल्थ टिभी अनलाइन \चितवन : चितवनस्थित भरतपुर अस्पतालमा एक पुरुषको कोरोना संक्रमणका कारण मृत्यु भएको छ । भरतपुर अस्पतालका अनुसार चितवन जिल्ला कालिका -४ का ४९ वर्षीय कोरोना संक्रमित पुरुषको बिहिबार राती ११ :२० बजे मृत्यु भएको हो ।
उनी मंसीर १३ गते श्वासप्रश्वासमा समस्या, कडा खोकी र उच्च ज्वरो लिएर अस्पताल आएका थिए । अस्पताल आए लगत्तै आइसीयूमा राखेर उपचार शुरु गरिएको थियो । बुधबारदेखि उनको स्वास्थ्यमा थप जटिलता आएपछि भेन्टिलेटरमा राखेर उपचार गरिएको भए पनि उनको स्वास्थ्यमा सुधार नआएको अस्पतालले जनाएको छ । उपचारकै क्रममा उनको हिजो राती कोरोना भाइरसका कारण कडा निमोनिया भएर मृत्यु भएको अस्पतालले जनाएको छ ।
नेपालमा बिहिबारसम्मको तथ्यांक अनुसार हालसम्म १५ सय ५१ जना कोरोना संक्रमितको मृत्यु भइसकेको छ ।
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?