हेल्थ टिभी अनलाइन \काठमाडौं : नेपालमा आज थप १३ जना कोरोना संक्रमितको मृत्य भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १३ जना संक्रमितको मृत्यु भएको हो । योसँगै नेपालमा कोरोना भाइरसको संक्रमणबाट ज्यान गुमाउनेको संख्या १५ सय ५१ पुगेको छ ।

यसैगरी आज देशभर १३४३ जना कोरोनाका नयाँ संक्रमित थपिएका छन्। आज थपिएका संक्रमित समेत गरी देशभर कोरोना संक्रमितको संख्या २ लाख ३७ हजार ५८९ पुगेको छ । हाल देशभर १५ हजार ७६६ जना सक्रिय संक्रमित रहेका छन्।