हेल्थ टिभी अनलाइन \काठमाडौं : नेपालमा हालसम्म साढे १७ लाख भन्दा बढीको कोरोना आशंकामा पीसीआर परीक्षण गरिएको छ ।

स्वास्थ्य तथा जनसंख्या मन्त्रालयका अनुसार बुधबारसम्म देशभर १७ लाख ५४ हजार ६३० जनाको पीसीआर परीक्षण गरिएको हो । साढे १७ लाख जनाको पीसीआर परीक्षण गर्दा देशभर २ लाख ३६ हजार २४६ जनाका कोरोना भाइरस संक्रमण पुष्टि भएको छ । यसैगरी यी मध्ये २ लाख १८ हजार १६१ जना संक्रमित निको समेत भइसकेका छन्।

उता कोरोना भाइरसको संक्रमणबाट हालसम्म १५ सय ३८ जनाको मृत्यु भएको छ । मन्त्रालयका अनुसार हाल देशभर ७७ वटा पीसीआर प्रयोगशाला रहेका छन् । यी मध्ये सरकारी ४४ वटा र नीजि ३३ वटा रहेको मन्त्रालयले जनाएको छ । यी प्रयोगशालाबाट दैनिक रुपमा लगभग १० हजार भन्दा बढी पीसीआर परीक्षण हुँदै आएको छ ।

हालसम्म सरकारी प्रयोगशालाबाट १२ लाख ७६ हजार ९६१ जनाको र नीजि प्रयोगशालाबाट ४ लाख ७७ हजार ६६९ जनाको पीसीआर परीक्षण भएको छ ।