हेल्थ टिभी अनलाइन \काठमाडौं : आज डिसेम्बर १ अर्थात विश्व एड्स दिवस । विश्वभरी नै एड्सकाबारेमा जनचेतना फैलाउनका लागि यो दिन दिवस मनाउने गरिन्छ ।

नेपालमा पनि एचआइभी नियन्त्रण तथा रोकथामका लागि विश्वव्यापी ऐक्यबद्धता तथा साझा जिम्मेवारी भन्ने नाराका साथ विविध कार्यक्रम गरी यो दिवस मनाइँदैछ ।

एकिन तथ्यांक नभए पनि राष्ट्रिय एड्स तथा यौन रोग नियन्त्रण केन्द्रका अनुसार नेपालमा हाल २९ हजार ५०३ जना एचआइभी संक्रमित रहेको अनुमान छ । धेरै संक्रमित समाजबाट अवहेलनाको डरले पहिचान नखुलाएर समाजमा रहेको अनुमान गरिन्छ ।

केन्द्रका अनुसार नेपालमा संक्रमितममध्ये ८० प्रतिशतमा असुरक्षित यौन सम्पर्कका कारण यो रोग सरेको पाइएको बताइएको छ । सन् २०३० सम्म एड्सको महामारीलाई अन्त्य गर्न सरकारको लक्ष्य रहेको छ । केन्द्रकी निर्देशक डा सुधा देवकोटाले कोरोना महामारीका बेला पनि एचआइभी संक्रमितले खाने नियमित औषधि अभाव हुन नदिएको जनाएकी छिन्।