१५ मंसिर २०७७ , सोमवार

३९६ स्थानीय तहमा एकैसाथ अस्पताल शिलान्यास गरिंदै

सातै प्रदेशमा सरुवा रोग अस्पताल बन्दै

हेल्थ टिभी अनलाइन \काठमाडौं : सरकारले आज एकैसाथ ३९६ स्थानीय तहहरुमा अस्पताल शिलान्यास गर्दैछ ।

आधारभूत स्वास्थ्य सेवामा सम्पूर्ण नागरिकको पहुँच पुर्याउने उद्देस्यले आज ३९६ स्थानीय तहमा १५ शैय्या सम्मका अस्पताल र सातै प्रदेशमा सरुवा रोग अस्पतालको शिलान्यास हुँदैछ ।

अस्पताल शिलान्यास गर्ने क्रममा आज स्वास्थ्य तथा जनसंख्या मन्त्री भानुभक्त ढकाल चितवनको भरतपुरमा प्रादेशिक सरुवा रोग अस्पताल र भरतपुर अस्पतालको आकस्मिक कक्षको नयाँ बन्ने भवनको शिलान्यास गर्न जान लागेको मन्त्रालयले जनाएको छ ।

सरकारको यस वर्षको नीति तथा कार्यक्रममा सबै स्थानीय तहहरुमा ५ देखि १५ शय्याका अस्पताल बनाउने उल्लेख छ । त्यही अनुरुप यी अस्पतालहरु बन्ने क्रम शुरु भएको हो । यसका लागि बजेट समेत छुट्याइसकेको मन्त्रालयले जनाएको ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।