हेल्थ टिभी अनलाइन \काठमाडौं : देशभर रहेका सक्रिय संक्रमितको आधा भन्दा बढी सक्रिय संक्रमित काठमाडौं उपत्यकामा रहेका छन्।

स्वास्थ्य तथा जनसंख्या मन्त्रालयका अनुसार देशभर हाल १६ हजार ७९३ जना सक्रिय संक्रमित रहेका छन्। ती मध्ये काठमाडौं उपत्यकामा मात्रै ९ हजार ७२७ जना संक्रमित होम आइसोलेसन तथा संस्थागत आइसोलेसनमा रहेका छन्।

यसैगरी बिहिबारसम्म देशभर १४१२ जना कोरोना संक्रमितको मृत्यु भएकोमा ५२४ जना संक्रमित काठमाडौं उपत्यकाका रहेको मन्त्रालयले जनाएको छ । कोरोना भाइरसको संक्रमणको चपेटामा काठमाडौं उपत्यका बढी प्रभावित भएको पाइन्छ । प्रत्येक दिन देशभर थपिने कोरोना संक्रमितको आधा भन्दा बढी संक्रमित उपत्यकाकै हुने गरेका छन्।

मन्त्रालयका अनुसार देशभर २ लाख २७ हजार ६४० जनामा कोरोना संक्रमण पुष्टि भएको छ भने ती मध्ये २ लाख ९ हजार ४३५ जना निको भइसकेका छन्।