हेल्थ टिभी अनलाइन \काठमाडौं : नेपालमा कोरोना भाइरसको संक्रमणबाट मृत्यु हुनेको संख्या १४ सय १२ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर २३ जना संक्रमितको मृत्यु भएसँगै देशभर कोरोना संक्रमणबाट मृत्यु हुनेको संख्य १४१२ पुगेको हो ।

नेपालमा कोरोना संक्रमणबाट हुने मृत्युदर शुन्य दशमलब ६२ प्रतिशत रहेको मन्त्रालयले जनाएको छ । उता निको हुने दर भने ९२ प्रतिशत जनाइएको छ ।

आज देशभर १६१४ जना कोरोनाका नयाँ संक्रमित थपिएका छन्। योसँगै नेपालमा कुल कोरोना संक्रमितको संख्या २ लाख २७ हजार ६४० पुगेको छ । यी मध्ये २ लाख ९ हजार ४३५ जना संक्रमित संक्रमणमुक्त भइसकेको मन्त्रालयले जनाएको छ ।

उता देशभर हाल १६ हजार ७९३ जना संक्रमित आइसोलेसनमा रहेका छन्।