हेल्थ टिभी अनलाइन : भारतमा हालसम्म ९२ लाख भन्दा बढी मानिसमा कोरोना संक्रमण पुष्टि भएको छ । वर्ल्डोमिटरका अनुसार बुधबार बिहानसम्म भारतमा ९२ लाख २२ हजार २१६ जनामा कोरोना संक्रमण पुष्टि भइसकेको छ ।

यसैगरी भारतमा कोरोना भाइरसको संक्रमणबाट १ लाख ३४ हजार ७४३ जनाको मृत्यु भएको जनाइएको छ । उता पछिल्लो २४ घण्टामा मात्रै भारतमा ४४ हजार ३७६ जनामा कोरोना संक्रमण पुष्टि भएको छ भने ४८१ जनाको विभिन्न अस्पतालमा उपचारकै क्रममा मृत्यु भएको जनाइएको छ ।

भारतमा दैनिक १० लाख भन्दा बढीको पीसीआर परीक्षण हुँदै आएको छ । यसैगरी गत नोभेम्बर ८ देखि यता त्यहाँ दैनिक ५० हजार भन्दा कम संक्रमित फेला पर्दै आएका छन्। भारतमा हालसम्म १३ करोड ३६ लाख मानिसक पीसीआर परीक्षण  गरिएको छ ।

उता हालसम्म सबैभन्दा बढी प्रभावित बनेको अमेरिकामा हालसम्म १ करोड २९ लाख मानिसमा कोरोना संक्रमण पुष्टि भएको छ भने २ लाख ६५ हजार ८९१ जनाको मृत्यु भइसकेको जनाइएको छ ।

विश्वमा अमेरिकापछि बढी संक्रमित भारतमा रहेका छन्।