५ मंसिर २०७७ , शुक्रबार

थप २२ जना कोरोना संक्रमितको मृत्यु, मृतकको संख्या १२९८ पुग्यो

हेल्थ टिभी अनलाइन \काठमाडौं : नेपालमा पछिल्लो २४ घण्टामा थप २२ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार देशभर आज २२ जना संक्रमितको मृत्यु भएको हो । योसँगै नेपालमा कोरोन भाइरसको संक्रमणबाट मृत्यु हुनेको संख्या १२ सय ९८ पुगेको छ ।

मन्त्रालयका अनुसार नेपालमा संक्रमितमध्ये मृत्युदर शुन्य दशमलब ६ प्रतिशत रहेको छ । आज देशभर १९४५ जना नयाँ संक्रमित थपिएका छन्। यसैगरी ५ हजार ३६४ जना संक्रमित निको भएर घर फर्केका छन्। हाल देशभर कुल कोरोना संक्रमितको संख्या २ लाख १६ हजार ९६५ पुगेको छ भने ती मध्ये १ लाख ९१ हजार २ जना निको भइसकेका छन्।

यसैगरी देशभर २४ हजार ६६५ जना सक्रिय संक्रमित रहेका छन्।