हेल्थ टिभी अनलाइन \काठमाडौं : नेपालमा कोरोना संक्रमणबाट मृत्यु हुनेको संख्या १२७६ पुगेको छ ।

पछिल्लो २४ घण्टामा थप १७ जना कोरोना संक्रमितको मृत्यु भएसँगै यसबाट मृत्यु हुनेको संख्या १२७६ पुगेको स्वास्थ्य तथा जनसंख्या मन्त्रालयले जनाएको हो । मन्त्रालयका अनुसार नेपालमा कोरोना संक्रमणबाट मृत्यु हुने दर शुन्य दशमलब ६ प्रतिशत रहेको छ भने यसबाट निको हुने दर ८६ दशमलब ३ प्रतिशत रहेको छ ।

यसैगरी आज २१०३ जना नयाँ संक्रमित थपिएका छन् भने २८५८ जना संक्रमित निको भएका छन्। नेपालमा हाल देशभर सक्रिय संक्रमितको संख्या २८ हजार १०६ रहेको छ ।

पछिल्लो समय कोरोना संक्रमणबाट हुने मृत्यु बढिरहेको पाइन्छ । विज्ञहरुले चिसो मौसममा कोरोना भाइरस अझ बढी सक्रिय हुने बताउँदै आएका छन्।