हेल्थ टिभी अनलाइन \काठमाडौं : नेपालमा थप १५ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १५ जना संक्रमितको मृत्यु भएको हो । योसँगै नेपालमा कोरोना संक्रमणबाट ज्यान गुमाउनेको संख्या ११ सय ८९ पुगेको छ ।

देशभर आज १९ सय १३ संक्रमित थपिएका छन्। योसँगै नेपालमा कुल कोरोना संक्रमितको संख्या २ लाख ४ हजार २४२ पुगेको छ ।

यी मध्ये १ लाख ६४ हजार ५९२ जना संक्रमितले कोरोना जितेर संक्रमणमुक्त भएका छन्। यसैगरी देशभर हाल ३८ हजार ४६१ सक्रिय संक्रमित रहेका छन्।