काठमाडौं उपत्यकामा थपिए १४२० संक्रमित
हेल्थ टिभी अनलाइन \काठमाडौं : काठमाडौं उपत्यकामा थप १४२० जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार आज देशभर २७३६ जना कोरोना संक्रमित थपिंदा उपत्यकामा मात्रै आधा भन्दा बढी संक्रमित १४२० थपिएका हुन्।
आज संक्रमित हुनेहरुमा काठमाडौंका ११४१ जना, भक्तपुरका ८६ जना र ललितपुरका १९३ जना रहेका छन्। पछिल्लो समय देशभरका संक्रमितमध्ये आधा भन्दा बढी संक्रमित उपत्यकामा नै थपिंदै आएका छन्।
आज देशभर २७३६ जना कोरोना संक्रमित थपिएका छन् भने २२ जना कोरोना संक्रमितको मृत्यु भएको छ । हाल काठमाडौं उपत्यकामा १६ हजार ६८६ जना सक्रिय संक्रमित रहेका छन्। यसैगरी भक्तपुरमा १२ सय २४ जना र ललितपुरमा २३ सय ५० जना सक्रिय संक्रमित रहेको मन्त्रालयले जनाएको छ ।
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?