हेल्थ टिभी अनलाइन \काठमाडौं : नेपालमा थप २७३६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्तालयका अनुसार आज देशभर थप २७३६ जना नयाँ संक्रमित थपिएका हुन्। योसँगै नेपालमा कुल कोरोना संक्रमितको संख्या १ लाख ९९ हजार ७६० पुगेको छ । यसैगरी पछिल्लो २४ घण्टामा ८५३ जना संक्रमित निको भएसँगै देशभर हालसम्म कोरोना संक्रमणमुक्त हुनेको संख्या १ लाख ६० हजार ५७७ पुगेको छ ।

उता गत २४ घण्टमा कोरोना संक्रमणबाट २२ जना संक्रमितको मृत्यु भएको छ । नेपालमा हालसम्म कोरोना संक्रमणबाट ११ सय ४८ जनाको मृत्यु भएको छ । हाल देशभर ३८ हजार ३५ जना सक्रिय संक्रमित रहेका छन्।